Saturday, 10 December 2016

ನೋಡಿ ಇದೇ ಕಾರಣಕ್ಕೆ ಒಣ ಕೂದಲಿನ ಸಮಸ್ಯೆ ಕಂಡುಬರುವುದು!

ನೋಡಿ ಇದೇ ಕಾರಣಕ್ಕೆ ಒಣ ಕೂದಲಿನ ಸಮಸ್ಯೆ ಕಂಡುಬರುವುದು!ಒಣ ಕೂದಲಿಗೆ ಪ್ರಮುಖವಾಗಿ ನಾವು ಅನುಸರಿಸಿಕೊಂಡು ಹೋಗುವಂತಹ ಜೀವನಶೈಲಿ, ಕೂದಲಿನ ಆರೈಕೆಗೆ ಬಳಸುವಂತಹ ಉತ್ಪನ್ನಗಳು ಪ್ರಮುಖ ಕಾರಣವಾಗಿರುತ್ತದೆ. ಒಣ ಕೂದಲಿಗೆ ಕೆಲವೊಂದು ಕಾರಣಗಳು ಇವೆ. ಇದು ಯಾವುದೆಂದು ಈ ಲೇಖನದ ಮೂಲಕ ತಿಳಿದುಕೊಳ್ಳುವ.....


ನಟಿಯರ ಉದ್ದಗಿನ ಹಾಗೂ ರೇಷ್ಮೆಯಂತಹ ಕೂದಲನ್ನು ನೋಡಿದರೆ ನಮಗೂ ಇದೇ ರೀತಿಯ ಕೂದಲು ಇದ್ದರೆ ಎಷ್ಟು ಚಂದ ಎಂದು ಅನಿಸುವುದಿದೆ. ಆದರೆ ಹಲವಾರು ಜನರಿಗೆ ಕೂದಲಿನ ಸಮಸ್ಯೆ ಕಾಡುತ್ತಾ ಇರುತ್ತದೆ. ಅದರಲ್ಲೂ ಒಣ ಕೂದಲಿನ ಸಮಸ್ಯೆ ಹೆಚ್ಚಿನವರನ್ನು ಕಾಡುವುದು. ಒಣ ಕೂದಲಿನ ಕಿರಿಕಿರಿಗೆ ನೈಸರ್ಗಿಕ ಹೇರ್ ಮಾಸ್ಕ್   

ಒಣಕೂದಲಿನಿಂದಾಗಿ ಒಣ ತಲೆಬುರುಡೆ, ತಲೆಹೊಟ್ಟು ಮತ್ತು ಸೋಂಕು ಕಾಣಿಸಿಕೊಳ್ಳಬಹುದು. ಒಣ ಕೂದಲಿಗೆ ಪ್ರಮುಖವಾಗಿ ನಾವು ಅನುಸರಿಸಿಕೊಂಡು ಹೋಗುವಂತಹ ಜೀವನಶೈಲಿ, ಕೂದಲಿನ ಆರೈಕೆಗೆ ಬಳಸುವಂತಹ ಉತ್ಪನ್ನಗಳು ಪ್ರಮುಖ ಕಾರಣವಾಗಿರುತ್ತದೆ. ಒಣ ಕೂದಲಿಗೆ ಕೆಲವೊಂದು ಕಾರಣಗಳು ಇವೆ. ಇದು ಯಾವುದೆಂದು ಈ ಲೇಖನದ ಮೂಲಕ ತಿಳಿದುಕೊಳ್ಳುವ. ಕೂದಲು ನಾರಿನಂತೆ ಒರಟಾಗಿದೆಯೇ?  



ಅತಿಯಾಗಿ ತೊಳೆಯುವುದು

ಅತಿಯಾಗಿ ಕೂದಲು ತೊಳೆಯುವುದೇ ಒಣ ಕೂದಲಿಗೆ ಮೊದಲ ಕಾರಣವಾಗಿದೆ. ಅತಿಯಾಗಿ ತೊಳೆದರೆ ಮತ್ತು ಶಾಂಪೂ ಬಳಸಿದರೆ ಕೂದಲು ಒಣಗುವಂತಹ ಸಾಧ್ಯತೆ ತುಂಬಾ ಹೆಚ್ಚು. ಕೂದಲನ್ನು ಯಾವಾಗಲೂ ತೊಳೆದರೆ ಅದು ತಲೆಬುರುಡೆಯಲ್ಲಿನ ನೈಸರ್ಗಿಕ ಎಣ್ಣೆಯನ್ನು ತೆಗೆದುಹಾಕಿ ಕೂದಲು ಒಣಗುವಂತೆ ಮಾಡುವುದು. ದಿನ ಬಿಟ್ಟು ದಿನ ಕೂದಲನ್ನು ತೊಳೆದರೆ ತುಂಬಾ ಒಳ್ಳೆಯದು. ಕೂದಲು ತೊಳೆಯಲು ಬಿಸಿನೀರಿಗಿಂತ ತಣ್ಣೀರೇ ಉತ್ತಮ ಏಕೆ?   


ಒಣಗಿಸುವುದು 
ಬ್ಲೋ ಡ್ರೈಯರ್ ಅನ್ನು ಬಳಸಿಕೊಂಡು ಕೂದಲನ್ನು ಒಣಗಿಸಿದರೆ ಅದು ತುಂಬಾ ಸ್ಟೈಲ್ ಆಗಿರುತ್ತದೆಯಾ? ಇದು ನಿಮ್ಮ ಕೂದಲಿಗೆ ತುಂಬಾ ಹಾನಿಯನ್ನು ಉಂಟು ಮಾಡುವ ಹಾಗೂ ಕ್ರೂರ ಸಾಧನವಾಗಿದೆ. ಬ್ಲೋ ಡ್ರೈಯರ್ ಅನ್ನು ಬಳಸುವುದರಿಂದ ತಲೆಬುರುಡೆಯಲ್ಲಿರುವ ನೈಸರ್ಗಿಕ ಎಣ್ಣೆಯು ಹೋಗಿ ಕೂದಲು ಒಣಗುವುದು. ಕೂದಲಿಗೆ ಹಾನಿಯಾಗುವುದನ್ನು ತಪ್ಪಿಸಲು ಕಡಿಮೆ ಬಿಸಿಯಲ್ಲಿ ಇದನ್ನು ಬಳಸಿ. 


ಒಣ ವಾತಾವರಣ ನೀವು ತುಂಬಾ ಒಣ ವಾತಾವರಣದಲ್ಲಿ ವಾಸಿಸುತ್ತಾ ಇದ್ದರೆ ಕೂದಲು ಒಣಗುವುದು ಮತ್ತು ಕಳೆಗುಂದಿದಂತೆ ಕಾಣುವುದು. ಇಂತಹ ವಾತಾವರಣದಲ್ಲಿ ಹೆಚ್ಚು ಹೊತ್ತು ಬಿಸಿಲಿಗೆ ಮೈಯೊಡ್ಡಬೇಡಿ, ಕಂಡೀಷನರ್ ಬಳಸಿಕೊಂಡು ಕೂದಲಿಗೆ ತೇವಾಂಶ ನೀಡಿ. ಟೋಪಿ ಹಾಕಿಕೊಂಡು ಹೊರಗಡೆ ಹೋದರೆ ಸಮಸ್ಯೆ ನಿವಾರಣೆಯಾಗುವುದು. 

ವಿನ್ಯಾಸ 
ಕೂದಲನ್ನು ಬ್ಲೋ ಡ್ರೈಯರ್ ನಂತಹ ಸಾಧನದಿಂದ ಅತಿಯಾಗಿ ವಿನ್ಯಾಸ ಮಾಡುವುದರಿಂದ ಕೂದಲು ಒಣಗಬಹುದು. ಕೂದಲನ್ನು ನೇರವಾಗಿಸಲು ಅಥವಾ ಗುಂಗುರು ಮಾಡಲು ಯಾವುದೇ ಸಾಧನ ಬಳಸುತ್ತಾ ಇದ್ದರೆ ಮುಂದೆ ಕೂದಲು ಕೆಟ್ಟದಾಗಿ ಕಾಣಿಸಬಹುದು. ಕೂದಲಿಗೆ ರಕ್ಷಣಾತ್ಮಕವಾಗಿರುವ ಕ್ರೀಮ್ ಅನ್ನು ಬಳಸಿಕೊಂಡರೆ ಸಾಧನಗಳಿಂದ ಆಗುವ ತೊಂದರೆ ತಪ್ಪಿಸಬಹುದು. ಕೂದಲನ್ನು ಬಿಸಿ ಮಾಡದೆ ವಿನ್ಯಾಸ ಮಾಡುವಂತಹ ಸಾಧನ ಬಳಸಿ. ಒದ್ದೆ ಕೂದಲಿಗೆ ಹೀಗೆ ಕಾಳಜಿ ಮಾಡಿ  

ಪೋಷಕಾಂಶದ ಕೊರತೆ 
ದೇಹದಲ್ಲಿ ಪೋಷಕಾಂಶಗಳ ಕೊರತೆ ಉಂಟಾದಾಗ ಕೂದಲು ಹಾಗೂ ತಲೆಬುರುಡೆಯು ಒಣಗುತ್ತದೆ. ಪೋಷಕಾಂಶಗಳ ಕೊರತೆ ಅನುಭವಿಸುವವರು, ಕಡಿಮೆ ಪೋಷಕಾಂಶವುಳ್ಳ ಆಹಾರ ಸೇವಿಸುವವರು ಮತ್ತು ಕೆಲವೊಂದು ಔಷಧಿಗಳಿಂದಾಗಿ ಹೀಗೆ ಆಗಬಹುದು. ದೇಹದಲ್ಲಿನ ಹಾರ್ಮೋನು ಬದಲಾವಣೆಯಿಂದ ಕೂದಲು ಒಣಗಬಹುದು. 


ಆಲ್ಕೋಹಾಲ್ 
ಆಲ್ಕೋಹಾಲ್ ಸೇವಿಸುವುದರಿಂದ ನಿಮ್ಮ ದೇಹದ ಮೇಲೆ ಮಾತ್ರವಲ್ಲದೆ ತಲೆಬುರುಡೆ ಹಾಗೂ ಕೂದಲಿನ ಮೇಲೆ ಪರಿಣಾಮ ಬೀರಬಹುದು. ಮಾರುಕಟ್ಟೆಯಲ್ಲಿ ಸಿಗುವಂತಹ ಕೆಲವೊಂದು ಉತ್ಪನ್ನಗಳಲ್ಲಿಯೂ ಅತಿಯಾಗಿ ಆಲ್ಕೋಹಾಲ್ ಅನ್ನು ಬಳಸಿರುತ್ತಾರೆ. ಇದರಿಂದ ಕೂದಲು ಹಾಗೂ ತಲೆಬುರುಡೆ ಒಣಗುವುದು. ಮಾರುಕಟ್ಟೆಯಲ್ಲಿ ಸಿಗುವಂತಹ ಕೂದಲಿನ ಆರೈಕೆಯ ಉತ್ಪನ್ನಗಳಲ್ಲಿ ಆಲ್ಕೋಹಾಲ್ ಮಾತ್ರವಲ್ಲದೆ ಇತರ ರಾಸಾಯನಿಕಗಳು ಇರುವುದು. ಇದು ಕೂದಲು ಹಾಗೂ ತಲೆಬುರುಡೆಯನ್ನು ಒಣಗಿಸುವುದು.


ಚುಮು ಚುಮು ಚಳಿಗೆ, ಸೌಂದರ್ಯದ ಆರೈಕೆ ಹೀಗಿರಲಿ.....

ಕಲೆಯಿಲ್ಲದ ಮತ್ತು ಕಾಂತಿಯುಕ್ತ ತ್ವಚೆ ಎಲ್ಲರ ಕನಸು. ಆದರೆ ನಿಸರ್ಗ ಎಲ್ಲರಿಗೂ ಈ ಸೌಂದರ್ಯವನ್ನು ನೀಡಿರುವುದಿಲ್ಲ. ಅದರಲ್ಲೂ ಹೆಚ್ಚಾಗಿ ಹರಿಹರೆಯದಲ್ಲಿ ಮೊಡವೆಗಳ ಕಾಟದಿಂದ ಉಂಟಾದ ಕಲೆಗಳು ಕೊಂಚವಾದರೂ ಕಾಳಜಿಯುಂಟುಮಾಡುತ್ತವೆ.

ಬದಲಾಗುತ್ತಿರುವ ಹವಾಮಾನ ನಿಮ್ಮ ತ್ವಚೆಗೆ ಶಾಪವಾಗಿ ಪರಿಣಮಿಸುತ್ತದೆ. ಇದಂತೂ ಚಳಿಗಾಲದ ಸಮಯವಾಗಿದೆ. ಹೆಚ್ಚಿನ ಧೂಳು ಬೇಗನೇ ವಾತವಾರಣದಲ್ಲಿ ಸೇರಿಕೊಂಡು ನಿಮ್ಮ ತ್ವಚೆಗೆ ಹಾನಿಯುಂಟುಮಾಡುತ್ತದೆ. ಈ ಸಮಯದಲ್ಲಿ ನಿಮ್ಮ ತ್ವಚೆ ಹೆಚ್ಚು ಶುಷ್ಕವಾಗಿರುವುದರಿಂದ ಹವಾಮಾನದ ವೈಪರೀತ್ಯಗಳಿಗೆ ಬೇಗನೇ ಒಳಗಾಗುತ್ತದೆ.  ಚಳಿಗಾಲದ ತಣ್ಣನೆಯ ಹವೆಗೆ, ಮರುಗದಿರಲಿ ಸೌಂದರ್ಯ

ಮುಖದಲ್ಲಿ ಮೊಡವೆ, ಉರಿತ, ಕಲೆಗಳು, ತ್ವಚೆಯಲ್ಲಿ ಗಾಯದ ಗುರುತುಗಳು ಉಂಟಾಗುವುದು ಸಾಮಾನ್ಯವಾಗಿದೆ. ಸೂರ್ಯನ ಯುವಿ ಕಿರಣಗಳೂ ಕೂಡ ತ್ವಚೆಯ ಮೇಲೆ ಕೆಟ್ಟ ಪ್ರಭಾವವನ್ನುಂಟು ಮಾಡುತ್ತದೆ. ಹಾಗಿದ್ದರೆ ಇದಕ್ಕೆ ಪರಿಹಾರ ಕಂಡುಕೊಳ್ಳುವುದು ಹೇಗೆ ಎಂಬುದು ನಿಮ್ಮ ಯೋಚನೆಯಾಗಿದ್ದರೆ ಇಲ್ಲಿದೆ ತ್ವಚೆಯ ಆರೈಕೆಗೆ ಕೆಲವೊಂದು ಸಲಹೆಗಳು....  



ಆರೋಗ್ಯಕರ ಆಹಾರ ಪದ್ಧತಿ
ಕಾರ್ಬೋನೇಟೆಡ್ ಆಹಾರವನ್ನು ಸೇವಿಸದಿರಿ ಇದರಲ್ಲಿ ಹೆಚ್ಚು ಸಕ್ಕರೆ ಇದ್ದು, ಹೆಚ್ಚು ಪ್ರಮಾಣದ ಸೋಡಿಯಮ್ ಇರುತ್ತದೆ. ನಿಮ್ಮ ತ್ವಚೆಯ ಹೊಳೆಯುವಿಕೆಗೆ ಇದು ಹಾನಿಕರವಾಗಿರುತ್ತದೆ. ಆದಷ್ಟು ಹಣ್ಣುಗಳು, ತರಕಾರಿಗಳು, ಮೀನು, ಡೈರಿ ಉತ್ಪನ್ನಗಳು, ಸಂಪೂರ್ಣ ಧಾನ್ಯಗಳು ಮೊದಲಾದವನ್ನು ಸೇವಿಸಿ. ಒಮೇಗಾ - 3 ಫ್ಯಾಟಿ ಆಸಿಡ್ ಉಳ್ಳ ಆಹಾರ ಸೇವಿಸಿ ವಿಟಮಿನ್ ಮತ್ತು ಮಿನರಲ್‌ಗಳು ಇದರಲ್ಲಿ ಹೆಚ್ಚು ಪ್ರಮಾಣದಲ್ಲಿರುವಂತೆ ನೋಡಿಕೊಳ್ಳಿ.



ಆರಾಮದಾಯಕ ನಿದ್ದೆ

ನಿಮ್ಮ ಸೌಂದರ್ಯಕ್ಕೆ ನಿಮ್ಮ ನಿದ್ದೆ ಕೂಡ ಉತ್ತಮವಾಗಿದೆ. ಹೊಳೆಯುವ ಕಾಂತಿಯುಕ್ತ ತ್ವಚೆಗಾಗಿ ನೀವು 6-7 ಗಂಟೆಗಳ ಕಾಲ ನಿದ್ದೆ ಮಾಡಿ. ಇದರಿಂದ ಕಪ್ಪು ವರ್ತುಲಗಳು ಮತ್ತು ನೆರಿಗೆಗಳನ್ನು ನಿವಾರಿಸುತ್ತದೆ. ಹೀಗೆ ಮಾಡಿಲ್ಲ ಎಂದಾದಲ್ಲಿ ನಿಮ್ಮ ಕೆಲಸದ ನಡುವೆ 20 ನಿಮಿಷಗಳ ಪವರ್ ನ್ಯಾಪ್ ಅನ್ನು ಮಧ್ಯಾಹ್ನದಲ್ಲಿ ಮಾಡಿ.



ಹೆಚ್ಚು ಹೆಚ್ಚು ನೀರು ಕುಡಿಯಿರಿ

ಹೊಳೆಯುವ ತ್ವಚೆಯನ್ನು ಹೊಂದಿರುವವರು ಹೆಚ್ಚು ಹೆಚ್ಚು ನೀರು ಸೇವಿಸುವ ಸಲಹೆಯನ್ನು ನೀಡುತ್ತಾರೆ. ನೀರು ನಿಮ್ಮ ದೇಹದಿಂದ ವಿಷವನ್ನು ಹೊರಹಾಕುತ್ತದೆ ಮತ್ತು ದೇಹ ವ್ಯವಸ್ಥೆಯನ್ನು ಸುಲಲಿತವಾಗಿರಿಸುತ್ತದೆ. ನಿಯಮಿತವಾಗಿ 6-7 ಲೋಟ ನೀರು ಕುಡಿಯಬೇಕು. ಇದರ ನಡುವೆ ಗ್ರೀನ್ ಟಿ, ಹಣ್ಣಿನ ಸ್ಮೂತಿ ಮೊದಲಾದವುಗಳನ್ನು ಸೇವಿಸಿ.



ಸನ್ ಸ್ಕ್ರೀನ್ ಲೋಶನ್ ಬಳಸಿ

ನಿಮ್ಮ ತ್ವಚೆಯನ್ನು ಹೊರಗಿನ ಕಲುಷಿತ ವಾತಾವರಣದಿಂದ ಕಾಪಾಡಿಕೊಳ್ಳಲು ಸನ್ ಸ್ಕ್ರೀನ್ ಲೋಶನ್ ಬಳಸಿ. ಹೆಚ್ಚಿನ ಸೆಲೆಬ್ರಿಟಿಗಳು ಹೊರಗಡೆ ಓಡಾಡುವಾಗ ಸನ್ ಸ್ಕ್ರೀನ್ ಲೋಶನ್ ಬಳಸಲು ಸಲಹೆ ನೀಡುತ್ತಾರೆ. ಎಸ್‌ಪಿಎಫ್ 20 ಅಥವಾ ಇನ್ನಷ್ಟು ಅಂಶಗಳೊಂದಿಗಿರುವ ಸನ್ ಸ್ಕ್ರೀನ್ ಅನ್ನು ಬಳಸಿ ಇದು ಯುವಿ ಕಿರಣಗಳಿಂದ ನಿಮ್ಮನ್ನು ಸುರಕ್ಷಿಸುತ್ತದೆ.



ತಣ್ಣೀರಿನಿಂದ ಮುಖ ತೊಳೆಯಿರಿ

ನಿಮ್ಮ ಹೊಳೆಯುವ ತ್ವಚೆಗಾಗಿ ಹೈಜೀನ್ ನಿರ್ವಹಣೆ ಅತ್ಯಗತ್ಯವಾಗಿದೆ. ದಿನದಲ್ಲಿ ಎರಡು ಬಾರಿ ಮುಖವನ್ನು ತೊಳೆದುಕೊಳ್ಳಿ ಮತ್ತು ಮಾಯಿಶ್ಚರೈಸ್ ಮಾಡಿ. ಆದರೆ ಹೆಚ್ಚುವರಿಯಾಗಿ ಮುಖವನ್ನು ತೊಳೆಯುವುದೂ ಕೂಡ ಮುಖಕ್ಕೆ ಹಾನಿಯನ್ನುಂಟು ಮಾಡುತ್ತದೆ. ಏಕೆಂದರೆ ನೈಸರ್ಗಿಕ ಎಣ್ಣೆ ಮುಖದಿಂದ ಹೊರಹೋಗುವ ಸಾಧ್ಯತೆ ಇರುತ್ತದೆ. ಕ್ಲೆನ್ಸಿಂಗ್‌ನ ನಂತರ ಮುಖವನ್ನು ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದು ಪೋರ್ಸ್‌ಗಳನ್ನು ಮುಚ್ಚಿ ಒಳನುಸುಳುವಿಕೆಯಿಂದ ರಕ್ಷಿಸುತ್ತದೆ.



ತಣ್ಣೀರಿನಿಂದ ಮುಖ ತೊಳೆಯಿರಿ
ನಿಮ್ಮ ಹೊಳೆಯುವ ತ್ವಚೆಗಾಗಿ ಹೈಜೀನ್ ನಿರ್ವಹಣೆ ಅತ್ಯಗತ್ಯವಾಗಿದೆ. ದಿನದಲ್ಲಿ ಎರಡು ಬಾರಿ ಮುಖವನ್ನು ತೊಳೆದುಕೊಳ್ಳಿ ಮತ್ತು ಮಾಯಿಶ್ಚರೈಸ್ ಮಾಡಿ. ಆದರೆ ಹೆಚ್ಚುವರಿಯಾಗಿ ಮುಖವನ್ನು ತೊಳೆಯುವುದೂ ಕೂಡ ಮುಖಕ್ಕೆ ಹಾನಿಯನ್ನುಂಟು ಮಾಡುತ್ತದೆ. ಏಕೆಂದರೆ ನೈಸರ್ಗಿಕ ಎಣ್ಣೆ ಮುಖದಿಂದ ಹೊರಹೋಗುವ ಸಾಧ್ಯತೆ ಇರುತ್ತದೆ. ಕ್ಲೆನ್ಸಿಂಗ್‌ನ ನಂತಎಕ್ಸ್‌ಫೋಲಿಯೇಶನ್ ಅಗತ್ಯ
ನಿಮ್ಮ ತ್ವಚೆಗೆ ಹಾನಿಯನ್ನುಂಟುಮಾಡುವುದು ಒಣ ತ್ವಚೆಯ ಕೋಶವಾಗಿರುತ್ತದೆ ಇದು ಮುಖವನ್ನು ಕಳೆಗುಂದುವಂತೆ ಮಾಡುತ್ತದೆ. ವಾರದಲ್ಲಿ ಮೂರು ಬಾರಿಯಾದರೂ ಮುಖವನ್ನು ಎಕ್ಸ್‌ಫೋಲಿಯೇಟ್ ಮಾಡಿ. ನೀವು ಮನೆಯಲ್ಲಿ ದೊರೆಯುವ ವಸ್ತುಗಳಿಂದ ಎಕ್ಸ್‌ಫೋಲಿಯೇಟ್ ಮಾಡಬೇಕು ಎಂದಾದಲ್ಲಿ, ಲಿಂಬೆರಸ ಮತ್ತು ಸಕ್ಕರೆಯನ್ನು ಬಳಸಿ. ಇದು ಮೃತ ತ್ವಚೆಯನ್ನು ನಿವಾರಿಸುವುದು ಮಾತ್ರವಲ್ಲದೆ ನಿಮ್ಮ ತ್ವಚೆಗೆ ರೇಡಿಯೇಶನ್ ಅನ್ನು ಒದಗಿಸುತ್ತದೆ. ತ್ವಚೆಯ ಕಲೆಯನ್ನು ಹೋಗಲಾಡಿಸುತ್ತದೆ.

 ಮುಖವನ್ನು ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದು ಪೋರ್ಸ್‌ಗಳನ್ನು ಮುಚ್ಚಿ ಒಳನುಸುಳುವಿಕೆಯಿಂದ ರಕ್ಷಿಸುತ್ತದೆ.



ಒತ್ತಡವನ್ನು ದೂರಮಾಡಿ

ನೀವು ಹೆಚ್ಚು ಒತ್ತಡಕ್ಕೆ ಒಳಗಾದಂತೆ ಇದು ತ್ವಚೆಯ ಮೇಲೆ ಕೆಟ್ಟ ಪರಿಣಾಮವನ್ನು ಬೀರಲಿದೆ. ಒತ್ತಡದ ಹಾರ್ಮೋನ್ ಆದ ಕೋರ್ಟಿಸಲ್, ಹೆಚ್ಚು ಉಲ್ಬಣವಾಗುತ್ತದೆ. ಇದು ಕಾಲಜನ್ ಮತ್ತು ಎಲಾಸ್ಟಿನ್ ಅನ್ನು ಒಡೆಯುತ್ತದೆ ಹಾಗೂ ಇದರಿಂದ ತ್ವಚೆಯಲ್ಲಿ ಕಲೆ, ವರ್ತುಲಗಳು ಮತ್ತು ನೀರಸತನ ಎದ್ದುಕಾಣುತ್ತದೆ. ಆದ್ದರಿಂದ ನಿರಾಳವಾಗಿ, ಯೋಗವನ್ನು ಅಭ್ಯಸಿಸಿ ಮತ್ತು ಒತ್ತಡವನ್ನು ದೂರಮಾಡಿ.

ಮೆಂತೆ ಕಾಳಿನ ಕಾರುಬಾರಿಗೆ ಭೇಷ್ ಎನ್ನಲೇಬೇಕು!


ಅಡುಗೆಮನೆ ಎಂದಾಕ್ಷಣ ಕೆಲವೊಂದು ಸಾಂಬಾರ ವಸ್ತುಗಳಲ್ಲಿ ಕೆಲವು ಸದಾ ಇರಲೇ ಬೇಕು. ಇವು ಖಾಲಿಯಾಗುವ ಮುನ್ನವೇ ಅಂಗಡಿಯಿಂದ ಖರೀದಿಸಿ ತಂದು ಮರುತುಂಬಿಕೊಳ್ಳದಿದ್ದರೆ ಗೃಹಿಣಿಯರಿಗೆ ಸಮಾಧಾನವೇ ಇರುವುದಿಲ್ಲ. ಸಾಸಿವೆ, ಅರಿಶಿನ ಪುಡಿ, ಮೆಣಸಿನ ಪುಡಿ, ಮೆಂತೆ ಇವೆಲ್ಲಾ ಅಡುಗೆಮನೆಯಲ್ಲಿ ಸದಾ ಇರಲೇಬೇಕಾದ ಸಾಮಾಗ್ರಿಗಳಾಗಿವೆ.... ಅಡುಗೆಮನೆಯ ಮೆಂತೆ- ಕೂದಲಿನ ಸರ್ವ ರೋಗಕ್ಕೂ ರಾಮಬಾಣ

ಅದರಲ್ಲೂ ಮೆಂತೆ ಎಂದರೆ ಸಾಂಬಾರ ಪದಾರ್ಥಗಳಲ್ಲಿ ತನ್ನದೇ ಆದ ಪ್ರಾಮುಖ್ಯತೆ ಪಡೆದುಕೊಂಡಿರುವ ಮೆಂತೆ ಮತ್ತು ಮೆಂತೆ ಸೊಪ್ಪನ್ನು ವಿವಿಧ ರೀತಿಯ ಔಷಧಿಗಳಲ್ಲಿ ಬಳಸುತ್ತಾರೆ. ಆಯುರ್ವೇದದಲ್ಲಿಯೂ ಮೆಂತೆಗೆ ವಿಶೇಷ ಸ್ಥಾನವನ್ನು ನೀಡಲಾಗುತ್ತದೆ.ಆಯುರ್ವೇದದಲ್ಲಿಯೂ ಮೆಂತೆಗೆ ವಿಶೇಷ ಸ್ಥಾನವನ್ನು ನೀಡಲಾಗುತ್ತದೆ. ಇಂತಹ ಗುಣಗಳುಳ್ಳ ಮೆಂತೆಯನ್ನು, ಕೂದಲಿನ ಹಾಗೂ ಮುಖದ ಸೌಂದರ್ಯಕ್ಕೆ ಹೇಗೆ ಬಳಸಲಾಗುತ್ತದೆ ಎಂಬುದನ್ನು ನೋಡೋಣ ಬನ್ನಿ ..


ಮೆಂತೆ ಕಾಳಿನಿಂದ ಮಾಡಿದ ಶಾಂಪೂ! 
*ಮೊದಲು ಮೆ೦ತೆಕಾಳುಗಳನ್ನು ಏಳೆ೦ಟು ಗಂಟೆಗಳ ನೆನೆಸಿಡಿರಿ 
*ಕಾಳುಗಳು ನೆನೆದು ಮೆತ್ತಗಾಗುತ್ತಲೇ ಅವುಗಳನ್ನು ಮಿಕ್ಸರ್ ಗ್ರೈ೦ಡರ್ ನಲ್ಲಿ ತಿರುವಿ ಪೇಸ್ಟ್‌ನ ರೂಪಕ್ಕೆ ತ೦ದುಕೊಳ್ಳಿರಿ. 
*ಈ ಪೇಸ್ಟ್ ಅನ್ನು ನಿಮ್ಮ ನೆತ್ತಿಗೆ ನೇರವಾಗಿ ಹಚ್ಚಿಕೊಳ್ಳಿರಿ ಹಾಗೂ ಅದು ನೆತ್ತಿಯ ಮೇಲೆ ಹಾಗೆಯೇ ಒಣಗಲು ಅವಕಾಶ ನೀಡಿರಿ. ಬಳಿಕ ಮ೦ದವಾದ ಶ್ಯಾ೦ಪೂವಿನಿ೦ದ ಅದನ್ನು ತೊಳೆದುಕೊಳ್ಳುವುದರ ಮೂಲಕ ಕೋಮಲವಾದ ಕೇಶರಾಶಿಯನ್ನು ನಿಮ್ಮದಾಗಿಸಿಕೊಳ್ಳಿರಿ.



ಡ್ಯಾಂಡ್ರಫ್ ಸಿಕ್ಕುಸಿಕ್ಕಾದ ಕೂದಲಿಗೆ.... 
ಚೆನ್ನಾಗಿ ಜಜ್ಜಿದ ಮೆ೦ತೆಕಾಳುಗಳನ್ನು ಬೆಚ್ಚಗಿನ ತೈಲದಲ್ಲಿ ಬೆರೆಸಿದಲ್ಲಿ, ಈ ಮಿಶ್ರಣವು ನೆತ್ತಿಯ ತುರಿಕೆಯನ್ನೂ ಹಾಗೂ ತಲೆಹೊಟ್ಟಿನ ಅಥವಾ ಡ್ಯಾಂಡ್ರಫ್ ಕಿರಿಕಿರಿಯನ್ನೂ ಹೋಗಲಾಡಿಸುವ ನಿಟ್ಟಿನಲ್ಲಿ ಅತ್ಯುತ್ತಮವಾಗಿ ಕೆಲಸಮಾಡುತ್ತದೆ.


ಕೂದಲು ಉದುರುವುದನ್ನು ತಡೆಗಟ್ಟಲು 
ಮೆಂತೆ ಬೀಜವನ್ನು ಹಾಲಿನ ಜೊತೆ ರುಬ್ಬಿ ತಲೆಗೆ ಹಚ್ಚುವುದರಿಂದ ಕೂದಲು ಉದುರುವುದನ್ನು ತಡೆಯಬಹುದು.


ಚರ್ಮದ ಸೌಂದರ್ಯಕ್ಕೆ 
ಚರ್ಮದ ಸೌಂದರ್ಯಕ್ಕೆ ಕೊಂಚ ಮೆಂತೆಪುಡಿಯನ್ನು ಮೊಸರಿನೊಂದಿಗೆ ಮಿಶ್ರಣ ಮಾಡಿ ದಪ್ಪನಾದ ಲೇಪನ ತಯಾರಿಸಿ. ಬಿಸಿಲಿಗೆ ಒಡ್ಡಿದ್ದ ಭಾಗ, ಮುಖ, ಕುತ್ತಿಗೆ, ಕೈಗಳಿಗೆ ಹಚ್ಚಿ ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ವಾರಕ್ಕೆ ಎರಡು ಅಥವಾ ಮೂರು ಬಾರಿ ಪುನರಾವರ್ತಿಸಿ.



ತ್ವಚೆಯ ಅಂದಕ್ಕೆ 
ಕೊಂಚ ಮೆಂತೆಕಾಳುಗಳನ್ನು ನೆನೆಸಿ ಅರೆದು ಈ ಮಿಶ್ರಣಕ್ಕೆ ಹಸಿ ಹಾಲು ಹಾಕಿ ದಪ್ಪನೆಯ ಲೇಪನ ತಯಾರಿಸಿ. ಲೇಪನವನ್ನು ಹಚ್ಚಿ ವೃತ್ತಾಕಾರದಲ್ಲಿ ಮಸಾಜ್ ಮಾಡಿ ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ

Thursday, 3 November 2016

ಏನೇ ಹೇಳಿ, ಕೂದಲಿನ ಆರೋಗ್ಯ ನಿಮ್ಮ ಕೈಯಲ್ಲೇ ಇದೆ!

ಕೂದಲನ್ನು ತೊಳೆಯುವುದು ನಿಮ್ಮ ಕೂದಲಿನ ಸಂಪೂರ್ಣ ಆರೋಗ್ಯದ ಗುಟ್ಟಾಗಿದೆ. ಹಾಗಿದ್ದರೆ ಕೂದಲನ್ನು ಸರಿಯಾದ ರೀತಿಯಲ್ಲಿ ತೊಳೆಯುವುದು ಅತಿ ಮುಖ್ಯವಾಗಿದೆ. ಕೂದಲು ತೊಳೆಯುವುದು ಎಂದರೆ ಶಾಂಪೂ ಮಾಡಿ ಕಂಡೀಷನಿಂಗ್ ಮಾಡುವುದು ಮಾತ್ರವಲ್ಲ ಅದರ ಬದಲಿಗೆ ಕೂದಲನ್ನು ತೊಳೆಯುವುದು ಸರಿಯಾದ ವಿಧಾನದಲ್ಲಾಗಿದ್ದರೆ ನಿಮ್ಮ ಕೂದಲು ಸೊಂಪಾಗಿ ಬೆಳೆಯವುದು ಖಂಡಿತ.

ಹಾಗಿದ್ದರೆ ನಿಮ್ಮ ಕೂದಲನ್ನು ಸರಿಯಾದ ವಿಧಾನದಲ್ಲಿ ತೊಳೆಯುವುದು ಹೇಗೆ ಎಂಬುದನ್ನು ಕುರಿತಾದ ಟಿಪ್ಸ್‎ಗಳನ್ನು ನಾವು ಇಲ್ಲಿ ನೀಡುತ್ತಿದ್ದು ಇದು ನಿಜಕ್ಕೂ ನಿಮ್ಮ ಕೂದಲನ್ನು ವಿಭಿನ್ನವಾಗಿ ಬದಲಾಯಿಸಲಿದೆ. ಹಾಗಿದ್ದರೆ ಆ ವಿಧಾನಗಳೇನು ಎಂಬುದನ್ನು ಇಂದಿನ ಲೇಖನದಲ್ಲಿ ನೋಡೋಣ...




ಚೆನ್ನಾಗಿ ಬಾಚಿಕೊಳ್ಳಿ 
ನಿಮ್ಮ ಕೂದಲನ್ನು ತೊಳೆಯುವ ಮುನ್ನ ಕೂದಲನ್ನು ಬಾಚಿಕೊಳ್ಳಿ. ಕೂದಲು ತೊಳೆದ ನಂತರ ಬಾಚಬೇಡಿ. ತಲೆ ತೊಳೆಯುವ ಮುನ್ನ ಕೂದಲನ್ನು ಬಾಚಿಕೊಳ್ಳುವುದರಿಂದ ಸಿಕ್ಕು ಇಲ್ಲವಾಗುತ್ತದೆ. 
ನೀರಿನ ತಾಪಮಾನ ಪರಿಶೀಲಿಸಿ


ನಿಮ್ಮ ಕೂದಲನ್ನು ಉಗುರು ಬೆಚ್ಚನೆಯ ನೀರಿನಲ್ಲಿ ತೊಳೆದುಕೊಳ್ಳುತ್ತಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ಇದರಿಂದ ಕೂದಲಿನ ರಂಧ್ರಗಳು ತೆರೆದುಕೊಳ್ಳುತ್ತವೆ ಮತ್ತು ತಲೆಬುರುಡೆಯಿಂದ ಎಲ್ಲಾ ಕೊಳೆ ನಿವಾರಣೆಯಾಗುತ್ತದೆ. ಕೂದಲನ್ನು ತೊಳೆಯುವ ಸರಿಯಾದ ವಿಧಾನದಲ್ಲಿ ಇದೂ ಕೂಡ ಅಡಗಿದೆ.

ತಂಪು ನೀರಿನಲ್ಲಿ ತಲೆ ತೊಳೆಯುವುದು
ನೀವು ಕೂದಲನ್ನು ಕೊನೆಯ ಬಾರಿಗೆ ತೊಳೆಯುವುದು ತಣ್ಣೀರಿನಲ್ಲಿ ಎಂಬುದನ್ನು ಖಾತ್ರಿಪಡಿಸಿ. ಇದು ಕೂದಲಿನ ರಂಧ್ರಗಳನ್ನು ಮುಚ್ಚಿ ಕೂದಲು ಉದುರುವುದನ್ನು ತಡೆಗಟ್ಟುತ್ತದೆ. ಕೂದಲಿನ ಮಾಯಿಶ್ಷರೈಸರ್ ಅನ್ನು ಹಿಡಿದಿಟ್ಟುಕೊಂಡು ಕೂದಲನ್ನು ಮಿರುಗುವಂತೆ ಮಾಡುತ್ತದೆ. 
ಶಾಂಪೂ

ಆದಷ್ಟು ಕೂದಲನ್ನು ರಾಸಾಯನಿಕ ಮುಕ್ತ ಶಾಂಪೂವಿನಿಂದ ತೊಳೆದುಕೊಳ್ಳಿ. ಮೃದುವಾಗಿ ಶಾಂಪೂ ಬಳಸಿ ಕೂದಲಿನ ಬುಡವನ್ನು ಮಸಾಜ್ ಮಾಡಿ ಮತ್ತು ತುದಿಗಳನ್ನು ಮಸಾಜ್ ಮಾಡಿಕೊಳ್ಳಿ. ಕೂದಲಿನ ಬುಡು ಎಣ್ಣೆಯಿಂದ ಇದ್ದು ತುದಿ ಒಣವಾಗಿರುತ್ತದೆ. 
ಕಂಡೀಷನ್


ಕೂದಲಿಗೆ ಕಂಡೀಷನ್ ಮಾಡುವುದನ್ನು ನೀವು ಮರೆಯಲೇಬಾರದು. ಈ ಹಂತ ಕೂದಲನ್ನು ಮಾಯಿಶ್ಚರೈಸ್ ಮಾಡುತ್ತದೆ. ಬುಡಕ್ಕೆ ಕಂಡೀಷನಿಂಗ್ ಮಾಡುವುದನ್ನು ಬಿಡಿ, ಇದು ಕೂದಲನ್ನು ಇನ್ನಷ್ಟು ಎಣ್ಣೆಯುಕ್ತಗೊಳಿಸಬಹುದು ಇದರಿಂದ ಕೂದಲಿನ ತುದಿಗೆ ಕಂಡೀಷನ್ ಮಾಡಿ. 
ಬೆರಳುಗಳ ಪೋಷಣೆ
ಕೂದಲನ್ನು ತೊಳೆದುಕೊಂಡ ನಂತರ ಬಾಚಣಿಗೆಯಿಂದ ಕೂದಲನ್ನು ಬಾಚಿಕೊಳ್ಳದಿರಿ. ಒದ್ದೆ ಕೂದಲಿಗೆ ಬಾಚಣಿಗೆಯನ್ನು ಬಳಸುವುದು ಕೂದಲನ್ನು ತುಂಡಾಗಿಸಬಹುದು. ಬದಲಿಗೆ ಬೆರಳುಗಳನ್ನು ಬಳಸಿಕೊಂಡು ಕೂದಲಿನ ಸಿಕ್ಕುಗಳನ್ನು ನಿವಾರಿಸಿಕೊಳ್ಳಿ ಮತ್ತು ಇದನ್ನು ತಪ್ಪದೇ ನಿರ್ವಹಿಸಿ.

ಬಿಳಿ ಕೂದಲಿನ ಸಮಸ್ಯೆಗೆ ಮನೆ ಔಷಧಿ-'ಆಲೂಗಡ್ಡೆ ಸಿಪ್ಪೆ'


ಬಿಳಿ ಕೂದಲಿನ ಸಮಸ್ಯೆಯನ್ನು ತಡೆಯಲು ಮಾಡದ ಪ್ರಯತ್ನವಿಲ್ಲ, ಅನುಸರಿಸದ ವಿಧಾನವಿಲ್ಲ. ಆದರೂ ಯಾವುದೇ ಪ್ರಯತ್ನ ಶೇಖಡಾ ನೂರರಷ್ಟು ಫಲ ನೀಡುತ್ತಿಲ್ಲ, ಎಂಬ ಚಿಂತೆಯೇ? ಹಾಗಾದರೆ ಈ ಟಿಪ್ಸ್ ಅನುಸರಿಸಿ...

ಕೂದಲು ನೆರೆಯುವುದಕ್ಕೆ ಇಂತಿಷ್ಟೇ ಎಂಬ ವಯಸ್ಸಿನ ನಿರ್ಬಂಧವಿಲ್ಲ. ಕೆಲವರಿಗೆ ಇಪ್ಪತ್ತರಲ್ಲಿಯೇ ನೆರೆಯಲು ಪ್ರಾರಂಭಿಸಿದರೆ ಕೆಲವರಿಗೆ ಐವತ್ತರ ಬಳಿಕ ಪ್ರಾರಂಭವಾಗಬಹುದು. ಆದರೆ ಯಾವಾಗ ಪ್ರಾರಂಭವಾದರೂ ಇದು ಆತಂಕವನ್ನು ಮಾತ್ರ ತಪ್ಪದೇ ತರುತ್ತದೆ. ಏಕೆಂದರೆ ಕೂದಲು ನೆರೆಯುವುದು ವೃದ್ಧಾಪ್ಯದ ಲಕ್ಷಣ ಎಂದೇ ಎಲ್ಲರೂ ಅಂದುಕೊಂಡಿದ್ದಾರೆ.  

ಇದನ್ನು ತಡೆಯಲು ಮಾಡದ ಪ್ರಯತ್ನವಿಲ್ಲ, ಅನುಸರಿಸದ ವಿಧಾನವಿಲ್ಲ. ಆದರೂ ಯಾವುದೇ ಪ್ರಯತ್ನ ಶೇಖಡಾ ನೂರರಷ್ಟು ಫಲ ನೀಡುತ್ತಿಲ್ಲ. ಕೂದಲ ನೆರೆಯುವಿಕೆಗೆ ಸ್ಪಷ್ಟವಾದ ಕಾರಣ ಇದುವರೆಗೆ ಗೊತ್ತಾಗಿಲ್ಲ. ಸ್ಥೂಲವಾಗಿ ಹೇಳಬೇಕೆಂದರೆ ತಾಮ್ರದ ಕೊರತೆಯಿಂದ ಕೂದಲಿಗೆ ಬಣ್ಣ ನೀಡುವ ಮೆಲನಿನ್ ಎಂಬ ವರ್ಣದ್ರವ್ಯ ಉತ್ಪತ್ತಿಯಾಗದೇ ಬಣ್ಣ ನೆರೆಯತೊಡಗುತ್ತದೆ. ಬಿಳಿಕೂದಲಿನ ಸಮಸ್ಯೆಯ ಕಿರಿಕಿರಿ, ಮನೆಮದ್ದೇ ಸರಿ! 

ಕೆಲವು ಊಹಾಪೋಹಗಳ ಪ್ರಕಾರ ಕೇಸರಿ ಬಣ್ಣದ ಬೇಳೆ ತಿನ್ನುವ ಕಾರಣದಿಂದಲೂ ಕೂದಲು ಅಕಾಲಿಕವಾಗಿ ನೆರೆಯುತ್ತದೆ. ಕಾರಣವೇನೇ ಇರಲಿ, ಇದಕ್ಕೆ ಪರಿಹಾರವಾಗಿ ಸುಲಭವಾದ ವಿಧಾನವೊಂದಿದೆ. ಅದೇ ಆಲೂಗಡ್ಡೆಯ ಸಿಪ್ಪೆಯ ಬಳಕೆ. ಆಲೂಗಡ್ಡೆಯ ಸಿಪ್ಪೆಯ ಪವರ್‍‌ಗೆ ಶಭಾಷ್ ಎನ್ನಲೇಬೇಕು!

ಬನ್ನಿ, ಕೆಳಗೆ ನೀಡಿರುವ ಮಾಹಿತಿಯ ಮೂಲಕ ಆಲೂಗಡ್ಡೆಯ ಸಿಪ್ಪೆಯನ್ನು ಕೂದಲ ನೆರೆಯುವಿಕೆ ತಡೆಯಲು ಹೇಗೆ ಉಪಯೋಗಿಸಬಹುದೆಂಬುದನ್ನು ನೋಡೋಣ:   ಶ್! ಬಿಳಿ ಕೂದಲಿನ ಸಮಸ್ಯೆಗೆ ಇಲ್ಲಿದೆ ಸೀಕ್ರೆಟ್ ಮನೆಮದ್ದು!   



ಹಂತ 1: 
ಚೆನ್ನಾಗಿ ತೊಳೆದ ಸುಮಾರು ಆರು ಆಲೂಗಡ್ಡೆಗಳ ಸಿಪ್ಪೆಯನ್ನು ತೆಳುವಾಗಿ ಸುಲಿದು ಸಂಗ್ರಹಿಸಿ.

ಹಂತ 2: 
ಒಂದು ಪಾತ್ರೆಯಲ್ಲಿ ಒಂದು ಲೀಟರ್ ನೀರನ್ನು ಕುದಿಸಿ. ಕುದಿಯಲು ಪ್ರಾರಂಭವಾದೊಡನೆ ಉರಿಯನ್ನು ತಗ್ಗಿಸಿ ಇದರಲ್ಲಿ ಸಿಪ್ಪೆಯನ್ನು ಸುರಿಯಿರಿ. ಚಿಕ್ಕ ಉರಿಯಲ್ಲಿ ಮುಂದಿನ ಅರ್ಧ ಗಂಟೆ ಕುದಿಸಿ. ಬಳಿಕ ಉರಿ ಆರಿಸಿ ಹದಿನೈದು ನಿಮಿಷ ತಣಿಯಲು ಬಿಡಿ.

ಹಂತ 3: 
ಬಳಿಕ ಈ ನೀರನ್ನು ಸ್ವಚ್ಛವಾದ ಬಟ್ಟೆ ಅಥವಾ ಸೋಸುಕ ಬಳಸಿ ಸೋಸಿ ನೀರನ್ನು ಸಂಗ್ರಹಿಸಿ. ಸಿಪ್ಪೆಗಳನ್ನು ಎಸೆಯಿರಿ. ಈ ನೀರನ್ನು ಮುಚ್ಚಳ ಮುಚ್ಚಿ ಇಡಿಯ ರಾತ್ರಿ ಹಾಗೇ ಇರಿಸಿ. ಈ ನೀರು ತುಂಬಾ ಗಾಢವಾಗಿದ್ದರೆ ಕೊಂಚ ನೀರು ಸೇರಿಸಬಹುದು. ಇದಕ್ಕೆ ನಿಮ್ಮ ಇಷ್ಟದ ಅವಶ್ಯಕ ತೈಲವನ್ನೂ ಸೇರಿಸಿ ಸುವಾಸನೆ ಮತ್ತು ಇದರ ಶಕ್ತಿಯನ್ನೂ ಕೊಂಚ ಹೆಚ್ಚಿಸಬಹುದು.


ಹಂತ 4: 
ಬೆಳಗ್ಗಿನ ಸ್ನಾನಕ್ಕೂ ಮುನ್ನ ಕೂದಲನ್ನು ಸೌಮ್ಯ ಶಾಂಪೂ ಬಳಸಿ ಸ್ವಚ್ಛವಾಗಿ ತೊಳೆದುಕೊಳ್ಳಿ. ಬಳಿಕ ಕಂಡೀಶನರ್ ಬಳಸಿ ತೊಳೆದುಕೊಳ್ಳಿ. ಕೂದಲನ್ನು ಬೆರಳುಗಳಿಂದ ಬಿಡಿ ಬಿಡಿಯಾಗಿಸಿ. ಬಾಚಣಿಗೆ ಬಳಸಿದರೆ ಸುಲಭವಾಗಿ ತುಂಡಾಗುವ ಸಾಧ್ಯತೆ ಇರುವ ಕಾರಣ ಬಾಚಣಿಗೆ ಬಳಸದಿರಿ.

ಹಂತ 5: 
ನಿಮ್ಮ ಕೂದಲನ್ನು ಅನುಕೂಲಕ್ಕೆ ತಕ್ಕಂತೆ ಹಲವಾರು ಭಾಗಗಳಾಗಿಸಿ. ಒಂದು ಹತ್ತಿಯುಂಡೆಯನ್ನು ಈ ನೀರಿನಲ್ಲಿ ಮುಳುಗಿಸಿ ಹಿಚುಕಿ ಹೆಚ್ಚುವರಿ ನೀರನ್ನು ಹಿಂಡಿ. ಈ ಉಂಡೆಯಿಂದ ನಿಮ್ಮ ಕೂದಲುಗಳ ಬುಡಕ್ಕೆ ಒತ್ತಿ ದ್ರವ ಒಸರುವಂತೆ ಮಾಡಿ. ಹೀಗೇ ಕೊಂಚಕೊಂಚವಾಗಿ ಇಡಿಯ ತಲೆಯ ಚರ್ಮ ಈ ನೀರಿನಿಂದ ಆವರಿಸುವಂತೆ ಮಾಡಿ.



ಹಂತ 5: 
ವಿಶೇಷವಾಗಿ ಕೂದಲು ಬಿಳಿಯಾಗಿರುವಲ್ಲಿ ಹೆಚ್ಚು ದ್ರವದಿಂದ ತೋಯಿಸಿ. ಇದೇ ರೀತಿ ಕೂದಲ ಬುಡದಿಂದ ತುದಿಯವರೆಗೂ ಈ ನೀರನ್ನು ಹಚ್ಚಿ. ಈ ಕ್ರಿಯೆ ಕೊಂಚ ಸಮಯ ತೆಗೆದುಕೊಳ್ಳುವುದರಿಂದ ರಜಾದಿನದಂದೇ ಆಚರಿಸಿ.



ಹಂತ 6: 
ಬಳಿಕ ಬೆರಳುಗಳ ತುದಿಯಿಂದ ನಯವಾಗಿ ಐದು ನಿಮಿಷಗಳವರೆಗೆ ಮಸಾಜ್ ಮಾಡಿ. ನಂತರ ಕೂದಲನ್ನು ಸಡಿಲವಾಗಿ ಗಂಟುಕಟ್ಟಿ ಮೂವತ್ತು ನಿಮಿಷ ಹಾಗೇ ಬಿಡಿ. ಬಳಿಕ ಕೇವಲ ತಣ್ಣೀರಿನಿಂದ ತೊಳೆದುಕೊಳ್ಳಿ. ಬಿಸಿನೀರು ಬೇಡ, ಏಕೆಂದರೆ ಇದು ಇಷ್ಟು ಕಷ್ಟಪಟ್ಟು ಒದಗಿಸಿದ್ದ ಪೋಷಕಾಂಶಗಳನ್ನೆಲ್ಲಾ ನಿವಾರಿಸಿ ಬಿಡುತ್ತದೆ.


ಹಂತ 7 
ಬಳಿಕ ದಪ್ಪ ಟವೆಲ್ ಅಥವಾ ಹಳೆಯ ಆದರೆ ಸ್ವಚ್ಛವಾದ ಹತ್ತಿಯ ಟೀಶರ್ಟ್ ಬಳಸಿ ಕೂದಲನ್ನು ಒತ್ತಿ ನೀರನ್ನು ಹೀರಿಕೊಳ್ಳುವಂತೆ ಮಾಡಿ. ಸರ್ವಥಾ ಉಜ್ಜಿ ಒರೆಸಲು ಹೋಗಬೇಡಿ. ಕೂದಲು ತಾನಾಗಿ ಗಾಳಿಯಲ್ಲಿ ಒಣಗಲಿ. ಹೇರ್ ಡ್ರೈಯರ್ ಬಳಕೆ ಸಲ್ಲದು.


ಹಂತ 7 
ವಾರಕ್ಕೊಮ್ಮೆ ಈ ವಿಧಾನ ಅನುಸರಿಸಿದರೆ ಕ್ರಮೇಣ ನೆರೆಗೂದಲು ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಈ ವಿಧಾನಕ್ಕೂ ಹೊರತಾದ ವಿಧಾನ ನಿಮ್ಮಲ್ಲಿದ್ದರೆ ಖಂಡಿತಾ ನಮ್ಮೊಂದಿಗೆ ಹಂಚಿಕೊಳ್ಳಿ.

Wednesday, 2 November 2016

ತಲೆ ತುರಿಕೆಯನ್ನು ಸಮರ್ಥವಾಗಿ ನಿವಾರಿಸಬಲ್ಲ ತೈಲಗಳು


ಎಲ್ಲರ ಗಮನ ನಿಮ್ಮತ್ತ ಇರುವಾಗಲೇ ನಿಮ್ಮ ತಲೆಯಲ್ಲಿ ತುರಿಕೆ ಪ್ರಾರಂಭವಾದರೆ ಆ ಸಂಕಟ ಹೇಳತೀರದು ಅಲ್ಲವೇ?, ಅದರಲ್ಲೂ ನವೆ ತಡೆಯಲಾಗದೇ ತುರಿಸಿಕೊಂಡಾಗ ಅತೀವ ಮುಜುಗರ ಅನುಭವಿಸಬೇಕಾಗುತ್ತದೆ. ತಲೆಯ ತುರಿಕೆಗೆ ಕೆಲವಾರು ಕಾರಣಗಳಿವೆ.

ಆದರೆ ಇನ್ನು ಮುಂದೆ ಚಿಂತೆಗೆ ಕಾರಣವಿಲ್ಲ. ಏಕೆಂದರೆ ಈ ತೊಂದರೆಯನ್ನು ನಿವಾರಿಸಲು ಕೆಲವು ನೈಸರ್ಗಿಕ ಎಣ್ಣೆಗಳು ಸಮರ್ಥವಾಗಿವೆ. ಬನ್ನಿ, ಈ ಎಣ್ಣೆಗಳ ಬಗ್ಗೆ ಹೆಚ್ಚಿನ ವಿವರಗಳನ್ನು ನೋಡೋಣ:  ಅಪ್ಪಿತಪ್ಪಿಯೂ ತಲೆ ಹೊಟ್ಟಿನ ಸಮಸ್ಯೆಯನ್ನು ನಿರ್ಲಕ್ಷಿಸಬೇಡಿ


ಲ್ಯಾವೆಂಡರ್ ಎಣ್ಣೆ ಇದೊಂದು ಅವಶ್ಯಕ ತೈಲವಾಗಿದ್ದು ಈ ಎಣ್ಣೆಯ ಸುಗಂಧದ ಕಾರಣದಿಂದಾಗಿ ಅರೋಮಾಥೆರಪಿ ಅಥವಾ ಸುವಾಸನೆಯ ಆರೈಕೆಯಲ್ಲಿ ಪ್ರಮುಖವಾಗಿ ಬಳಕೆಯಾಗುತ್ತದೆ. ಈ ಎಣ್ಣೆಯ ಗುಣಗಳು ತಲೆಯ ತುರಿಕೆಯನ್ನೂ ಕಡಿಮೆಗೊಳಿಸಲು ಸಮರ್ಥವಾಗಿವೆ. ಈ ಎಣ್ಣೆಯನ್ನು ತಲೆಗೆ ಕೊಂಚವೇ ಮಸಾಜ್ ಮೂಲಕ ಹಚ್ಚಿಕೊಂಡ ಬಳಿಕ ತಲೆಯ ಚರ್ಮದಲ್ಲಿ ರಕ್ತಸಂಚಾರ ಹೆಚ್ಚುತ್ತದೆ.


ಇದು ತಲೆಗೂದಲನ್ನು ಬೆಳೆಯಲು ಉತ್ತೇಜಿಸುತ್ತದೆ. ಆದರೆ ಈ ಎಣ್ಣೆ ಕೊಂಚ ಕಟುವಾಗಿರುವುದರಿಂದ ಸಮಪ್ರಮಾಣದಲ್ಲಿ ಕೊಬ್ಬರಿ ಎಣ್ಣೆಯನ್ನು ಮಿಶ್ರಣ ಮಾಡಿ ಕೊಂಚವೇ ಬಿಸಿಮಾಡಿ ತಲೆಗೆ ಹಚ್ಚಿಕೊಳ್ಳಬೇಕು.    ತಲೆಹೊಟ್ಟನ್ನು ನಿವಾರಿಸಲು 20 ಮನೆ ಮದ್ದುಗಳು

ಕೊಬ್ಬರಿ ಎಣ್ಣೆ 
ತಲೆಗೂದಲಿಗೆ ಕೊಬ್ಬರಿ ಎಣ್ಣೆ ಉತ್ತಮವಾಗಿದ್ದು ಇದರ ಬಳಕೆಯಿಂದ ತಲೆಯ ತುರಿಕೆಯೂ ಕಡಿಮೆಯಾಗುತ್ತದೆ. ಇದರ ಉರಿಯೂತ ನಿವಾರಕ ಮತ್ತು ಬ್ಯಾಕ್ಟೀರಿಯಾನಿವಾರಕ ಗುಣ ತಲೆಯ ತುರಿಕೆ ತಡೆಯಲೂ ನೆರವಾಗುತ್ತದೆ.


ಇದಕ್ಕಾಗಿ ಕೊಂಚ ಕೊಬ್ಬರಿ ಎಣ್ಣೆಯನ್ನು ಉಗುರುಬೆಚ್ಚಗಾಗುವಷ್ಟು ಬಿಸಿಮಾಡಿ ಕೊಂಚವೇ ಮಸಾಜ್ ಮೂಲಕ ತಲೆಗೆ ಹಚ್ಚಿಕೊಳ್ಳಿ. ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡು ಇಡಿಯ ರಾತ್ರಿ ಹಾಗೇ ಬಿಡಿ. ಮರುದಿನ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. 
ಪುದೀನಾ ಎಣ್ಣೆ 
ಪುದಿನಾ ಎಣ್ಣೆಯಲ್ಲಿ ಸೂಕ್ಷ್ಮಜೀವಿ ನಿವಾರಕ ಗುಣವಿದೆ. ಅಲ್ಲದೇ ಇದರ ಇತರ ಪೋಷಕಾಂಶಗಳ ಕಾರಣದಿಂದ ಇದೊಂದು ಅತ್ಯಂತ ಹೆಚ್ಚಿನ ಬಳಕೆಯ ಅವಶ್ಯಕ ತೈಲವೆಂದು ಪರಿಗಣಿಸಲಾಗುತ್ತದೆ. ಇದರ ಸುವಾಸನೆಯ ಕಾರಣ ಹಲವು ರೀತಿಯ ಸುಗಂಧದ್ರವ್ಯಗಳಲ್ಲಿಯೂ ಬಳಕೆಯಾಗುತ್ತದೆ. ಪುದೀನಾ ಎಣ್ಣೆಯಲ್ಲಿದೆ ಮ್ಯಾಜಿಕ್ ಗುಣಗಳು  



ಅಲ್ಲದೇ ಅರೋಮಾಥೆರಪಿ ಅಥವಾ ಸುವಾಸನೆಯ ಆರೈಕೆಯಲ್ಲಿಯೂ ಬಳಕೆಯಾಗುತ್ತದೆ. ಇದರ ಔಷಧೀಯ ಗುಣಗಳಿಂದಾಗಿ ಆಯುರ್ವೇದದಲ್ಲಿ ಹಲವಾರು ಕಾಯಿಲೆಗಳಿಗೆ ಔಷಧಿಯ ರೂಪದಲ್ಲಿಯೂ ಬಳಸಲಾಗುತ್ತದೆ. 





ತಲೆಯ ತುರಿಕೆಗೂ ಪುದೀನಾ ಎಣ್ಣೆ ಉತ್ತಮವಾಗಿದೆ. ಇದಕ್ಕಾಗಿ ನಿತ್ಯವೂ ಕೊಂಚವೇ ಪುದೀನಾ ಎಣ್ಣೆಯನ್ನು ತಲೆಗೆ ಹಚ್ಚಿ ಮಸಾಜ್ ಮಾಡಿದರೆ ಸಾಕು. 

ಕಿತ್ತಳೆಯ ಎಣ್ಣೆ (Orange Oil)



ಕಿತ್ತಳೆ ಹಣ್ಣಿನ ರಸ ದೇಹಕ್ಕೆ ಎಷ್ಟು ಉತ್ತಮವೋ ಇದರ ಎಣ್ಣೆಯೂ ಕೂದಲಿಗೆ ಅಷ್ಟೇ ಉತ್ತಮ. ಇದಕ್ಕಾಗಿ ಕೊಂಚ ಕಿತ್ತಳೆ ಎಣ್ಣೆಯನ್ನು ಉಗುರುಬೆಚ್ಚಗಾಗಿಸಿ ನೇರವಾಗಿ ತಲೆಗೆ ಹಚ್ಚಿಕೊಳ್ಳಿ. ಬಳಿಕ ದಪ್ಪ ಟವೆಲ್ಲೊಂದನ್ನು ತಲೆಗೆ ಆವರಿಸಿ ಕೊಂಚ ಹೊತ್ತು ಹಾಗೇ ಬಿಡಿ. ಬಳಿಕ ಟವೆಲ್ ನಿವಾರಿಸಿ ಸುಮಾರು ಎರಡು ಘಂಟೆಗಳ ಕಾಲ ಹಾಗೇ ಇರಲು ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ನೀವೂ ನಂಬಲೇಬೇಕು, ತುಪ್ಪ ತ್ವಚೆಗೆ ಬಹಳ ಒಳ್ಳೆಯದು!

ತುಪ್ಪ ತ್ವಚೆಗೆಷ್ಟು ಸುರಕ್ಷಿತ? ಈ ಪ್ರಶ್ನೆ ನಮ್ಮೆಲ್ಲರಿಗೂ ಒಂದಲ್ಲಾ ಒಂದು ಬಾರಿಯಾದರೂ ಬಂದೇ ಇರುತ್ತದೆ. ಏಕೆಂದರೆ ನಿಸರ್ಗದ ಈ ಅದ್ಭುತ ಕೊಡುಗೆಯಿಂದ ಹಲವಾರು ಬಗೆಯ ಪ್ರಯೋಜನಗಳಿದ್ದು ಇದನ್ನು ಹಚ್ಚಿಕೊಳ್ಳುವಾಗ ಕೈಗಳಿಗೆ ಅಕಸ್ಮಾತಾಗಿ ತಾಕಿದ ಬಳಿಕ ಕೈಗಳು ಮೃದುವಾಗಿರುವುದನ್ನು ಗಮನಿಸಿದ್ದರೂ ಇದು ಮುಖದ ಚರ್ಮಕ್ಕೆ ಹೇಗೋ ಎಂಬ ಅಳುಕು ಎಲ್ಲರಲ್ಲಿಯೂ ಉಂಟಾಗಿರುತ್ತದೆ.


ಆದರೆ ಇದಕ್ಕೆ ಸೂಕ್ತವಾದ ಉತ್ತರ ಯಾರೂ ಸ್ಪಷ್ಟವಾಗಿ ಇದುವರೆಗೆ ಹೇಳಿರದಿದ್ದ ಕಾರಣ ಈ ಅದ್ಭುತ ಗುಣವುಳ್ಳ ನೈಸರ್ಗಿಕ ಔಷಧಿಯನ್ನು ಬಳಸದೇ ಇದರ ಪ್ರಯೋಜನಗಳಿಂದ ವಂಚಿತರಾಗಿದ್ದೇವೆ. ತುಪ್ಪದಲ್ಲಿ ಸಂತುಲಿತ ಕೊಬ್ಬಿನ ಜೊತೆಗೇ ವಿಟಮಿನ್ಎ , ಡಿ ಮತ್ತು ಇ ಇವೆ. ಇವುಗಳ ಇರುವಿಕೆಯಿಂದ ತುಪ್ಪ ಒಂದು ಅತ್ಯುತ್ತಮ ಆಂಟಿ ಆಕ್ಸಿಡೆಂಟು ಸಹಾ ಆಗಿದೆ.


ಆದರೆ ತುಪ್ಪವನ್ನು ಚರ್ಮಕ್ಕೆ ಬಳಸುವುದು ಹೇಗೆ? ನೇರವಾಗಿ ಇದನ್ನು ಹಚ್ಚಿಕೊಂಡರೆ ಮುಖವೆಲ್ಲಾ ಎಣ್ಣೆಪಸೆಯಾಗುತ್ತದೆ. ಇದರ ಸರಿಯಾದ ಬಳಕೆಯಾಗಬೇಕೆಂದರೆ ಔಷಧಿಯ ಗುಣವುಳ್ಳ ಇತರ ಸಾಮಾಗ್ರಿಗಳೊಂದಿಗೆ ಬೆರೆಸಿ ಬಳಸಬೇಕಾಗುತ್ತದೆ. ಬನ್ನಿ, ಇಂದು ತುಪ್ಪವನ್ನು ಸೌಂದರ್ಯವರ್ಧಕವಾಗಿ ಹೇಗೆ ಮತ್ತು ಯಾವ ಯಾವ ರೂಪದಲ್ಲಿ ಬಳಸಬಹುದೆಂಬುದನ್ನು ನೋಡೋಣ:



ದೇಹದ ತೇವಕಾರಕ ಎಣ್ಣೆಯಾಗಿ 
ಒಂದು ವೇಳೆ ನಿಮ್ಮ ಚರ್ಮ ವಿಪರೀತ ಒಣದಾಗಿದ್ದರೆ ಈ ವಿಧಾನವನ್ನು ಅನುಸರಿಸಿ: ಎರಡು ದೊಡ್ಡ ಚಮಚ ಅಪ್ಪಟ ತುಪ್ಪವನ್ನು ಕರಗುವಷ್ಟು ಬಿಸಿಮಾಡಿ. ಬಳಿಕ ಉಗುರುಬೆಚ್ಚನೆಯ ತಾಪಮಾನಕ್ಕೆ ಬರುವಷ್ಟು ತಣಿಸಿ. ಬಳಿಕ ಈ ತುಪ್ಪವನ್ನು ತೆಳುವಾಗಿ ಒಣಚರ್ಮದ ಮೇಲೆಲ್ಲಾ ನಯವಾಗಿ ಮಸಾಜ್ ಮಾಡುತ್ತಾ ಸವರಿಕೊಳ್ಳಿ. ಸುಮಾರು ಒಂದು ಘಂಟೆ ಬಿಟ್ಟು ಸ್ನಾನ ಮಾಡಿ.  ದೇಹದ ತೂಕ ಇಳಿಸಲು ದಿನಕ್ಕೆರಡು ಚಮಚ ತುಪ್ಪ ಸಾಕು!

ಮುಖದ ಕಾಂತಿಗೆ 
ಒಂದು ದೊಡ್ಡ ಚಮಚ ಕಡ್ಲೆಹಿಟ್ಟು, ಒಂದು ದೊಡ್ಡ ಚಮಚ ಅಪ್ಪಟ ತುಪ್ಪ ಹಾಗೂ ಅಗತ್ಯವಿರುವಷ್ಟು ನೀರು ಬೆರೆಸಿ ಚೆನ್ನಾಗಿ ಬೆರೆಸಿ ಲೇಪನ ತಯಾರಿಸಿ. ಈ ಲೇಪನವನ್ನು ಈಗ ತಾನೇ ತಣ್ಣೀರಿನಿಂದ ತೊಳೆದುಕೊಂಡ ಮುಖಕ್ಕೆ ತೆಳುವಾಗಿ ಹಚ್ಚಿಕೊಳ್ಳಿ. ಇದನ್ನು ಪೂರ್ಣವಾಗಿ ಒಣಗಲು ಬಿಡಿ. ಒಣಗಿದ ಬಳಿಕ ಈ ಲೇಪನ ಬಿರಿಬಿಡಲು ಪ್ರಾರಂಭಿಸುತ್ತದೆ. ಈಗ ಕೇವಲ ತಣ್ಣೀರಿನಿಂದ ತೊಳೆದುಕೊಳ್ಳಿ. ಸೋಪು ಬಳಸಬೇಡಿ.

ಬಿರಿದ ತುಟಿಗಳ ಆರೈಕೆಗಾಗಿ 
ಒಂದು ಚಿಕ್ಕ ಚಮಚ ತುಪ್ಪ ಮತ್ತು ಸಮಪ್ರಮಾಣದ ಜೇನು ಬೆರೆಸಿ ತುಟಿಗಳಿಗೆ ತೆಳುವಾಗಿ ಹಚ್ಚಿಕೊಳ್ಳಿ. ರಾತ್ರಿ ಮಲಗುವ ಮುನ್ನ ಹಚ್ಚಿ ಇಡಿಯ ರಾತ್ರಿ ಹಾಗೇ ಬಿಡಿ. ಮರುದಿನ ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. ಈಗ ತುಟಿಗಳು ಮೃದು, ಬಿರುಕಿಲ್ಲದೇ ಮತ್ತು ತುಂಬಿಕೊಂಡಿರುತ್ತವೆ.



ಕಣ್ಣುಗಳ ಕೆಳಗಿನ ಕಪ್ಪು ವರ್ತುಲ ನಿವಾರಿಸಲು  : 
ತುಪ್ಪದಲ್ಲಿರುವ ವಿಟಮಿನ ಎ ಕಣ್ಣುಗಳ ಕೆಳಗಿನ ವರ್ತುಲಗಳನ್ನು ನಿವಾರಿಸುವ ಮಾಯಾದಂಡದಂತೆ ಕಾರ್ಯನಿರ್ವಹಿಸುತ್ತದೆ. ಇದಕ್ಕಾಗಿ ಐದು ಹನಿ ಬಾದಾಮಿ ಎಣ್ಣೆ ಮತ್ತು ಒಂದು ಚಿಕ್ಕಚಮಚ ತುಪ್ಪ ಬೆರೆಸಿ ಕಣ್ಣುಗಳ ಕೆಳಗಿನ ವರ್ತುಲದ ಮೇಲೆ ತೆಳುವಾಗಿ ಹಚ್ಚಿ. ಇದನ್ನು ಪ್ರತಿದಿನ ಹಚ್ಚಿಕೊಳ್ಳುತ್ತಾ ಇದ್ದರೆ ಒಂದು ತಿಂಗಳಲ್ಲಿ ಈ ವರ್ತುಲಗಳು ಮಾಯವಾಗತೊಡಗುತ್ತವೆ. ಪೂರ್ಣವಾಗಿ ಈ ವರ್ತುಲಗಳು ಇಲ್ಲವಾಗುವವರೆಗೆ ಈ ವಿಧಾನವನ್ನು ಮುಂದುವರೆಸಿ.

ತ್ವಚೆಯ ಕಾಂತಿ ಹೆಚ್ಚಲು :
ಒಂದು ದೊಡ್ಡಚಮಚ ಮಸೂರ್ ದಾಲ್ (ಕಿತ್ತಳೆ ಬಣ್ಣದ ತೊಗರಿ ಬೇಳೆ) ಯನ್ನು ಮಿಕ್ಸಿಯಲ್ಲಿ ನುಣ್ಣಗಾಗಿ ಪುಡಿಮಾಡಿ. ಇದಕ್ಕೆ ಐದು ಹನಿ ಪ್ರಿಮ್ರೋಸ್ ಎಣ್ಣೆ (primrose oil), ಒಂದು ವಿಟಮಿನ್ ಇ ಮಾತ್ರೆಯ ಒಳಗಣ ಸಾಮಾಗ್ರಿಗಳು ಮತ್ತು ಒಂದು ದೊಡ್ಡಚಮಚ ತುಪ್ಪ ಸೇರಿಸಿ ಚೆನ್ನಾಗಿ ಬೆರೆಸಿ. ಇದಕ್ಕೆ ಅಗತ್ಯವೆನಿಸುವಷ್ಟು ಹಸಿ ಹಾಲು ಬೆರೆಸಿ ಲೇಪನ ತಯಾರಿಸಿ. ಈ ಲೇಪನವನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ ಮೂವತ್ತು ನಿಮಿಷಗಳ ಕಾಲ ಒಣಗಲು ಬಿಡಿ. ಬಳಿಕ ಕೇವಲ ತಣ್ಣೀರಿನಿಂದ ತೊಳೆದುಕೊಳ್ಳಿ.    ಪಕ್ಕಾ ದೇಸಿ ತುಪ್ಪ, ಆರೋಗ್ಯದ ಲವಲವಿಕೆಯ ಕೀಲಿಕೈ

ಬಾಡಿ ಲೋಷನ್ ರೂಪದಲ್ಲಿ 
ದೇಹದ ತ್ವಚೆಯನ್ನು ಇಡಿಯ ದಿನ ಕೋಮಲ ಮತ್ತು ಮೃದುವಾಗಿಸಲು ತುಪ್ಪವೂ ಸಮರ್ಥವಾಗಿದೆ. ಇದಕ್ಕಾಗಿ ಸಮಪ್ರಮಾಣದಲ್ಲಿ ತುಪ್ಪ ಮತ್ತು ಕೊಬ್ಬರಿ ಎಣ್ಣೆಯನ್ನು ಬೆರೆಸಿ ಕೊಂಚ ಲ್ಯಾವೆಂಡರ್ ಎಣ್ಣೆಯ ಹನಿಗಳನ್ನು ಸೇರಿಸಿ ನಯವಾದ ಲೇಪನ ತಯಾರಿಸಿ. ಸ್ನಾನದ ಬಳಿಕ ಈ ಲೇಪನವನ್ನು ತೆಳುವಾಗಿ ಕೊಂಚ ಮಸಾಜ್ ಮೂಲಕ ಸೂಕ್ಷ್ಮಭಾಗಗಳನ್ನು ಬಿಟ್ಟು ಉಳಿದೆಲ್ಲಾ ಭಾಗಗಳಿಗೆ ಹಚ್ಚಿಕೊಳ್ಳಿ.






Thursday, 27 October 2016

ಎಲೆಲೆ ಬೆಟ್ಟದ ನೆಲ್ಲಿಕಾಯಿಯೇ, ನಿನಗೆ ಸರಿ ಸಾಟಿ ಯಾರಿಲ್ಲಿ?

ನೆಲ್ಲಿಕಾಯಿಯ ಎಣ್ಣೆಯನ್ನು ತಲೆಗೆ ನೇರವಾಗಿ ಹಚ್ಚಿಕೊಳ್ಳುವುದರಿಂದ ಕೂದಲು ಉದುರುವುದು ಕಡಿಮೆಯಾಗುವುದು ಈಗಾಗಲೇ ಸಾಬೀತುಗೊಳಿಸಲಾಗಿರುವ ಸಂಗತಿಯಾಗಿದೆ. ಆದರೆ ಈ ಅದ್ಭುತ ಎಣ್ಣೆಯ ನಿಜವಾದ ಪರಿಣಾಮ ಪಡೆಯಬೇಕೆಂದರೆ ಇದರ ಗುಣಗಳು ನಮ್ಮ ರಕ್ತದಲ್ಲಿ ಬರಬೇಕು. ಆಗಲೇ ಕೂದಲ ಬುಡಕ್ಕೆ ಧಾವಿಸುವ ರಕ್ತದ ಮೂಲಕ ಈ ಪೋಷಕಾಂಶಗಳು ಕೂದಲ ಬುಡವನ್ನು ದೃಢಗೊಳಿಸಿ ಕೂದಲು ಉದುರುವುದನ್ನು ತಡೆಯುತ್ತದೆ.   ನೆಲ್ಲಿಕಾಯಿ ಜ್ಯೂಸ್ ಕುಡಿದರೆ ಆರೋಗ್ಯಕ್ಕೆ 14 ಲಾಭ


ಇದನ್ನು ಸಾಧಿಸಲು ದಿನಕ್ಕೊಂದು ನೆಲ್ಲಿಕಾಯಿಯನ್ನು ಹಸಿಯಾಗಿ ತಿಂದರೆ ಸಾಕು. ಇದರೊಂದಿಗೆ ನೆಲ್ಲಿಕಾಯಿಯನ್ನು ಬಳಸಿ ತಯಾರಿಸಲಾಗುವ ಕೂದಲ ಲೇಪಗಳು ಕೂದಲನ್ನು ದೃಢಗೊಳಿಸುವುದು ಮಾತ್ರವಲ್ಲ, ಕಾಂತಿಯುಕ್ತ ಮತ್ತು ನೀಳವೂ ಆಗಿಸುತ್ತದೆ. ಬನ್ನಿ, ಈ ಪರಿಯ ಪರಿಣಾಮವನ್ನು ಪಡೆಯಲು ಕೂದಲ ಲೇಪಗಳನ್ನು ಹೇಗೆ ಬಳಸಬಹುದು ಎಂಬುದನ್ನು ನೋಡೋಣ:

ನೆಲ್ಲಿಕಾಯಿಯ ಎಣ್ಣೆ 
ಸುಮಾರು ಐದಾರು ಮಧ್ಯಮ ಗಾತ್ರದ ನೆಲ್ಲಿಕಾಯಿಯನ್ನು ಚಿಕ್ಕದಾಗಿ ತುಂಡರಿಸಿ. ಸುಮಾರು ಐದಾರು ದಾಸವಾಳದ ಎಲೆಗಳನ್ನೂ ಚಿಕ್ಕದಾಗಿ ಹೆಚ್ಚಿ. ಒಂದು ಕಪ್ ಕೊಬ್ಬರಿ ಎಣ್ಣೆಯನ್ನು ಚಿಕ್ಕ ಪಾತ್ರೆಯಲ್ಲಿ ಚಿಕ್ಕ ಉರಿಯಲ್ಲಿ ಕುದಿಸಿ. ಕುದಿಯಲು ಪ್ರಾರಂಭವಾದ ತಕ್ಷಣ ಇವೆರಡನ್ನೂ ಎಣ್ಣೆಯಲ್ಲಿ ಹಾಕಿ ಸುಮಾರು ಇಪ್ಪತ್ತು ನಿಮಿಷ ಕುದಿಯಲು ಬಿಡಿ.



ಬಳಿಕ ಉರಿಯನ್ನು ಆರಿಸಿ ತಣಿಯಲು ಬಿಡಿ. ಈ ಎಣ್ಣೆಯನ್ನು ಸೋಸಿ ಒಂದು ಗಾಳಿಯಾಡದ ಬಾಟಲಿಯಲ್ಲಿ ಸಂಗ್ರಹಿಸಿ. ಈ ಎಣ್ಣೆಯನ್ನು ನಿತ್ಯವೂ ನಿಮ್ಮ ತಲೆಗೆ ಹಚ್ಚಿಕೊಳ್ಳುವ ಎಣ್ಣೆಯಾಗಿ ಬಳಸಿ.   ಸೊಂಪಾದ ಕೂದಲಿಗಾಗಿ ಬೆಟ್ಟದ ನೆಲ್ಲಿಕಾಯಿಯ ಜ್ಯೂಸ್!

ಕೂದಲನ್ನು ದೃಢಗೊಳಿಸಲು 
ಒಂದು ದೊಡ್ಡಚಮಚ ಮೆಂತೆಕಾಳುಗಳನ್ನು ನೀರಿನಲ್ಲಿ ಇಡಿಯ ರಾತ್ರಿ ನೆನೆಸಿಡಿ. ಬೆಳಿಗ್ಗೆ ಈ ಕಾಳುಗಳನ್ನು ಮಿಕ್ಸಿಯಲ್ಲಿ ನುಣ್ಣಗೆ ಅರೆಯಿರಿ. ಇದಕ್ಕೆ ಒಂದು ದೊಡ್ಡ ಚಮಚ ನೆಲ್ಲಿಕಾಯಿಯ ಪುಡಿ ಮತ್ತು ಕೊಂಚ ಮೊಸರನ್ನು ಬೆರೆಸಿ ತಲೆಗೆ ಹಚ್ಚಿಕೊಳ್ಳುವಷ್ಟು ದಪ್ಪನೆಯ ಲೇಪನವಾಗಿಸಿ.


ಈ ಲೇಪನವನ್ನು ಕೂದಲ ಬುಡದಿಂದ ತುದಿಯವರೆಗೆ ದಪ್ಪನಾಗಿ ಹಚ್ಚಿ ಒಂದು ಗಂಟೆ ಹಾಗೇ ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರು ಮತ್ತು ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.         ಕೊಲೆಸ್ಟ್ರಾಲ್‌ನ್ನು ಹದ್ದು ಬಸ್ತಿನಲ್ಲಿಡುವ ಪುಟ್ಟ 'ನೆಲ್ಲಿಕಾಯಿ'  

ಕೂದಲು ನೆರೆಯುವುದನ್ನು ತಡೆಯಲು 
ಒಂದು ಕಪ್ ಆಲಿವ್ ಎಣ್ಣೆ, ಒಂದು ದೊಡ್ಡ ಚಮಚ ನೆಲ್ಲಿಕಾಯಿ ಪುಡಿ ಮತ್ತು ಒಂದು ಮುಷ್ಠಿಯಷ್ಟು ಕರಿಬೇವಿನ ಎಲೆಗಳನ್ನು ಬೆರೆಸಿ. ಈ ಎಣ್ಣೆಯನ್ನು ಸುಮಾರು ಹದಿನೈದು ನಿಮಿಷಗಳ ಕಾಲ ಕುದಿಸಿ. ಬಳಿಕ ಉರಿ ಆರಿಸಿ ತಣಿಯಲು ಬಿಡಿ. ಈ ಎಣ್ಣೆ ಉಗುರುಬೆಚ್ಚಗಿರುವಷ್ಟು ತಣ್ಣಗಾದ ಬಳಿಕ ಈ ಎಣ್ಣೆಯಿಂದ ಕೊಂಚ ಮಸಾಜ್ ಮೂಲಕ ಇಡಿಯ ತಲೆಗೆ ಹಚ್ಚಿಕೊಳ್ಳಿ.


ಈ ಎಣ್ಣೆ ಇಡಿಯ ರಾತ್ರಿ ಹಾಗೇ ಇರಲಿ. ಬೆಳಿಗ್ಗೆ ಉಗುರುಬೆಚ್ಚನೆಯ ನೀರು ಮತ್ತು ಸೌಮ್ಯ ಶಾಂಪೂ ಮತ್ತು ಕಂಡೀಶನರ್ ಬಳಸಿ ಸ್ನಾನ ಮಾಡಿ ಈ ವಿಧಾನವನ್ನು ವಾರಕ್ಕೆರಡು ಬಾರಿ ಅನುಸರಿಸುವ ಮೂಲಕ ನೆರೆತಿರುವ ಕೂದಲುಗಳೆಲ್ಲಾ ಕಪ್ಪಗಾಗಲು ತೊಡಗುತ್ತವೆ. ಕೂದಲಿನ ಸಮಸ್ಯೆಗಳಿಗೆ ನೆಲ್ಲಿಕಾಯಿ ಎಣ್ಣೆ ಪರಿಹಾರವೇ?

ಕೂದಲ ಕಂಡೀಶನಿಂಗ್‌ಗಾಗಿ 
ಒಂದು ಮೊಟ್ಟೆಯ ಬಿಳಿಭಾಗ, ಒಂದು ದೊಡ್ಡ ಚಮಚ ನೆಲ್ಲಿಕಾಯಿಯ ಪುಡಿ ಮತ್ತು ಒಂದು ಚಿಕ್ಕಚಮಚ ಜೇನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನು ಬಳಸುವ ಮೊದಲು ಕೂದಲನ್ನು ನೆನೆಸಿ ಈ ಲೇಪನವನ್ನು ದಪ್ಪನಾಗಿ ಹಚ್ಚಿಕೊಳ್ಳಿ. ಈ ಲೇಪನ ಪೂರ್ಣವಾಗಿ ಒಣಗುವವರೆಗೂ ಹಾಗೇ ಬಿಡಿ. ಒಣಗಿದ ಬಳಿಕ ಮಡಚಿದರೆ ಮುರಿಯುವಂತಾದಾಗ ಉಗುರುಬೆಚ್ಚನೆಯ ನೀರು ಮತ್ತು ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.